पथरी शनिश्चरे। मोरङको पथरीशनिश्चरे नगरपालिकाले नगर भित्रका सामुदायिक विद्यालयहरूको अनुगमन तथा निरीक्षण गरेको छ । पहिलो चरणको कार्यक्रममा नगर प्रमुख मोहन प्रसाद तुम्वापो , प्रमुख प्रशासकीय अधिकृत शशि राई , शिक्षा शाखा प्रमुख नविन खुलाल , इन्जिनियर सन्तोष केसी र प्राविधिकको उपस्थितिमा विद्यालयहरूको अनुगमन/निरीक्षण गरिएको हो ।

सो अनुगमन/निरीक्षणमा विद्यालयको भवन र टिनको छानोको अवस्थाहरुको स्थिति हेरिएको थियो । जीर्ण अवस्थामा रहेका भवनको मर्मत् र चुहिने भएका टिनको छानो फेर्नका लागि आवश्यक पर्ने बजेटको पूर्व तयारीका लागि अनुगमन/निरीक्षण गरिएको शिक्षा शाखा प्रमुख नविन खुलालले जानकारी दिए ।