३८८ पटक हेरिएको
विराटनगर। पूर्वाञ्चल विश्वविद्यालयको आंगिक क्याम्पस जनता आदर्श बहुमुखी, जनसंख्या तथा विकास केन्द्र र कलेज अफ लमा पञ्चदिवसीय खेल कार्यक्रम शुरू भएको छ ।
पूर्वाञ्चल विश्वविद्यालयको वार्षिकोत्सवका अवसरमा आइतवारदेखि पञ्चदिवसीय खेल कार्यक्रम शुरू भएको हो । खेल कार्यक्रम पुस ११ गतेसम्म सञ्चालन हुनेछ । पञ्चदिवसीय खेल कार्यक्रममा समूहगत खेलतर्फ भलिवल, फुटवल, क्रिकेट, कबड्डी र डोरी तान प्रतियोगिता आयोजना हुनेछन् भने व्यक्तिगत खेलतर्फ टेबल टेनिस, चेस, सर्ट फुट, व्याडमिन्टन र एक सय मिटर दौड प्रतियोगिता हुनेछ । सबै खेलहरू छात्र र छात्राहरूको सहभागिता रहेको छ ।
विद्यार्थीहरूको मानसिक र शारिरीक विकासका लागि खेलकुद आवश्यक रहेकोले विद्यार्थीहरूको सर्वाङ्गिण विकासका लागि क्याम्पसले पञ्चदिवसीय खेल प्रतियोगिताको आयोजना गरिएको क्याम्पस प्रमुख महेश प्रसाद निरौलाले जानकारी दिनुभयो । विजयी खेलाडीहरूलाई सरस्वती पूजाको दिन पुरस्कृत गरिने कार्यक्रम रहेको छ ।
