१२५५ पटक हेरिएको
बिराटनगर । सेन्ट जोसेफ +२ कलेजमा शनिबार आयोजित ‘फ्रेसर पुल पार्टी’ ले विद्यार्थीहरूमा उत्साह थपेको छ। कक्षा ११ का नयाँ विद्यार्थीलाई स्वागत गर्न आयोजित यस पार्टीको व्यवस्थापन होटल म्यानेजमेन्टका विद्यार्थीहरूले गरेका थिए।
विराटनगरमा पहिलो पटक ‘हवाई’ र ‘समुन्द्र किनार’ थिममा आयोजित यस पार्टीमा कृत्रिम छाप्रा, नरिवलका रुख र समुद्र किनारको वातावरण सिर्जना गरिएको थियो। बीच पार्टीमा पाइने खानेकुरा, सिरश ब्यान्ड, डिजे ईश्वर र लाइभ म्युजिकले कार्यक्रमलाई झनै रमाइलो बनाएको थियो।
कलेजका निर्देशक रोहित जंग थपलियाका अनुसार, यस पार्टीको मुख्य उद्देश्य नयाँ विद्यार्थीलाई एक अर्कासँग परिचित गराउनु हो। होटल म्यानेजमेन्टका विद्यार्थीहरूले प्राविधिक व्यवस्थापन साइन्स र फुड व्यवस्थापनका विद्यार्थीहरूसँग मिलेर कार्यक्रमको सफल आयोजना गरेका थिए। दिउँसो ४ बजे सुरु भएको कार्यक्रम बेलुकी ९ बजे समापन भएको थियो।
