१२८४ पटक हेरिएको
विराटनगर। मोरङ उद्योग व्यापार संघका अध्यक्ष अनुपम राठी र उहाँकी श्रीमती रेखा राठीले गत असोजमा मकालु आधार शिविरको सफल पदयात्रा सम्पन्न गरेका छन् । विजया दशमीको अवसर पारी दम्पतीले यो पदयात्रा गरेका हुन् ।
विश्वको पाँचौं अग्लो चुचुरो मकालुको आधार शिविर ४८७० मिटरको उचाइमा अवस्थित छ । यस आधार शिविरको पदयात्रामा यात्रुले ८० हजारभन्दा बढी खुड्किला चढ्नुका साथै विभिन्न हिमाल, पहाड, नदी, झरना, सांस्कृतिक गाउँहरू र मनोरम प्राकृतिक दृश्यहरूको अवलोकन गर्ने अवसर पाउँछन् ।
मकालु–वरुण राष्ट्रिय निकुञ्जभित्र पर्ने यो आधार शिविरको पदयात्रा चुनौतीपूर्ण भए पनि अध्यक्ष राठी दम्पतीले आफ्नो साहस र दृढ इच्छाशक्तिले यो यात्रा सफल पारेका छन् ।
