५३२७ पटक हेरिएको
बिराटनगर। चीनको हाङझाउमा जारी १९ औँ एसियाली खेलकुदमा नेपाललाई पहिलो पदक प्राप्त गराउन सफल भएकी कबड्डीतर्फका कप्तान मेनुकाकुमारी राजवंशीलाई जहदा गाउँपालिका वडा नम्बर तिनले सम्मान गरेको छ ।
जहदा गाउँपालिका वडा नम्बर तिनले आज जहदा ३ स्थित रहेको राधाकृष्ण मन्दिरको प्रङ्गणमा नागरीक अभिन्दन कार्यक्रम गरी रु. २५०० (पच्चिस हजार) सहित सम्मान पत्र प्रदान गरी सम्मान गरेको हो ।
कप्तान राजवंशी आफ्नो गृह जिल्ला मोरगं बिहिवार आए संगै वडा अध्यक्ष अनिल कुमार ठाकुर सहितको टोली बिराटनगर एयरपोटमा गएर उनलाई सम्मान गरेको हो ।
कप्तान राजवंशी मोरगंको जहदा गाउँपालिका वडा नम्बर ३ जयरामपुर गाउँका निवासी हुन् । एसियाली खेलमा कबड्डीतर्फ राजवंशीको कप्तानीम कास्य पदक प्राप्त गरे पछी सम्पुर्ण गाउँबासीले खुस्याली मनाएका थिए ।
आफ्नो गाउँको एउटा महिलाले देशको कबड्डीतर्फको टिमलाई नेतृत्व गरी कास्य पदक जिताउन सफल भएको मा आफुलाई धेरै खुशी लागेको जहदा गाउँपालिका वडा नम्बर तिनका वडा अध्यक्ष अनिल कुमार ठाकुरले बताए । उनले भने हाम्रो जस्तो समुदायबाट महिला जातीलाई अगाडी बढाउनु हुदैन भन्ने चाहाना राख्ने समाजबाट देशकै टोलीलाई नेतृत्व गरी आज यहाँ सम्म पुगेकोमा हामी सबैका लागि गैरवको कुरा भएको बताए ।
महिला कबड्डीको सेमिफाइनलमा नेपाल भारतसित ६१–१७ अङ्कले पराजित भएको थियो । नेपाल समूह ‘बी’को उपविजेताका रूपमा सेमिफाइनल प्रवेश गरेको थियो भने भारत समूह ‘ए’ को विजेता बन्दै सेमिफाइनलमा प्रवेश गरेको थियो ।
कार्यक्रममा बोल्दै कप्तान मेनुकाकुमारी राजवंशीले भनिन, ”आफुलाई साथ र सहयोग गरी यहाँ सम्म पुुर्याउने सबैलाई धन्यवाद दिदै यो यात्र सोचे जस्तो यात्रा हुुदो रहेन छ । हामीलाई यहाँ सम्म आउन धेरै नै मेहनत गर्नुु परेको तर लगातार मेहनत गरेमा एक दिन अवश्य नै सफल हुन्छ भने उनले बताईन । हामी अहिले जिती सकेका छैनौं र अझै हामी धेरै मिहनेत गर्न बाकी रहेको राजवंशीले बताईन् ।
कार्यक्रममा वडा अध्यक्ष अनिल कुमार ठाकुर, वडा सचिव लिलाकान्त साहु, वडा सदस्यहरु, पत्रकार लगायत स्थानियहरुको ब्यापक उपस्थिती रहेको थियो ।
नेपाली टोलीमा मेनुकाकुमारी राजवंशी (कप्तान), मानमती विष्ट, जयन्ती बडु, सुनिता थापा, रबिना चौधरी, अनुजा कुलुङ राई, गङ्गा घिमिरे, नितु गुरुङ, इशा राई, अर्पणा चौधरी, सिर्जना थारु र कलावती पन्त रहेका थिए । टोलीका प्रशिक्षकमा विष्णुदत्त भट्ट रहेका थिए ।
