६१० पटक हेरिएको
मोरङ । बेलबारी नगरपालिका-१० भाउन्ने चोकमा प्रहरीले जुवा खेलिरहेको अवस्थामा ८ जनालाई पक्राउ गरेको छ। सन्तोष याखाले आफ्नै घरमा चलाएको प्रशान्त होटलभित्र जुवा खेलिरहेको सूचनाका आधारमा इलाका प्रहरी कार्यालय बेलबारीबाट खटिएको टोलीले छापा मारेको थियो।
शनिबार साँझ भएको छापामा प्रहरीले जुवाडेहरूबाट १ लाख ५ हजार ८० रुपैयाँ नगद र ८ बुँक तास बरामद गरेको छ। पक्राउ पर्नेहरूमा ४७ वर्षीय विष्णु कुमार दर्जीसहित ८ जना रहेका छन्। घटनाबारे थप अनुसन्धान भइरहेको प्रहरीले जनाएको छ।
